ᖃᕆᑕᐅᔭᒥᒃ ᐊᑐᕐᑎᐅᑉ ᐃᑎᕈᑎᖓ

ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᖑᑎᖓᑕ ᓄᓇᖁᑎᖏᑦ

ᓄᓇᕕᐅᑉ ᑕᕆᐅᖓ

ᓄᓇᕕᐅᑉ ᓄᓇᖁᑎᖓ


ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᖑᑎᖓᑕ ᓄᓇᖁᑎᖏᑦ

ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓ ᐱᖕᖑᑎᑕᐅᓚᐅᔪᖅ ᔪᓓ 10, 2007-ᒥ. ᐃᓕᖓᔪᖅ ᐃᒪᕐᐱᖓᓄᑦ ᑯᐯᑉ ᑕᕐᕋᖓᑕ, ᓛᐸᑐᐊᑉ ᑕᕐᕋᖓᓄᑦ ᓛᐸᑐᐊᓪᓗ ᐃᒪᕐᐱᖓᓄᑦ.

ᓄᓇᕕᐅᑉ ᐃᓄᖏᑦᑕ ᐱᔪᓐᓇᐅᑎᖃᕐᓂᖏᑦ ᐃᒪᕐᐱᒥ ᐃᓕᑕᕆᔭᐅᓯᒪᕗᑦ ᐱᔭᕇᕐᑕᐅᒣᑦᑐᕕᓂᐅᒋᐊᖏᑦ 1975-ᒥ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ. ᑭᓯᐊᓂ, ᐊᒥᓱᓂᒃ ᐊᕐᕌᒍᑐᕐᓯᒪᔪᖅ ᖃᐅᔨᓴᕐᑕᐅᓗᑯᐊᐱᓐᓂᑯᑦ ᐱᓂᐊᕐᓂᓕᕆᕙᕐᔪᐊᓂᒃᑯᓗ, ᑕᒪᓐᓇ ᓱᓕᓂᕋᕐᑕᐅᒍᓐᓇᓯᑎᑦᓱᒍ ᑕᕆᐅᖅ ᐃᒪᕐᐱᐅᔪᖅ ᐱᖃᕐᕕᐅᒋᐊᖓ ᐊᖏᖃᑎᒌᒐᓱᐊᕈᑎᐅᒍᓐᓇᓯᑦᓱᓂ ᑲᕙᒪᑐᖃᒃᑯᓄᑦ ᔭᓄᐊᕆ 1992-ᒥ. ᑌᑦᓱᒪᓂᑦᓭᓇᖅ, ᐃᒻᒥᒎᕐᑐᖅ ᓛᐸᑐᐊᑉ ᐱᖃᕐᓂᕋᐅᑎᒋᒻᒥᔭᖓ ᐊᑐᐃᓐᓇᕈᕐᑕᐅᓯᒪᔪᖅ. ᐊᖏᕐᑕᐅᓚᕐᓯᒪᔪᕐᓕ ᐊᖏᖃᑎᒌᒐᓱᐊᕈᓐᓇᐅᑎᐅᓕᕋᔭᕆᐊᖓ ᔫᓂ 1993-ᒥ.

NILCA Summaries

ᐅᑯᐊ ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᑕ ᐃᓗᓪᓕᖏᓐᓂᒃ ᓄᐃᑕᑎᑦᓯᒍᑎᓪᓚᕆᐅᔪᑦ ᐃᓚᖏᑦ:
  • ᓄᓇᕕᐅᑉ ᐃᓄᖏᑦ ᓇᒻᒥᓂᖃᓕᕐᑐᑦ 80%-ᖏᓐᓂᒃ ᕿᑭᕐᑕᓕᒫᑦ, ᐃᓚᖃᕐᑎᓗᒋᑦ ᓄᓇᐅᑉ ᖁᓛᓕᒫᖓᓂᒃ ᐊᑖᓕᒫᖏᓐᓂᓗ, ᓄᓇᕕᐅᑉ ᑕᕆᐅᖓᑕ ᐃᒪᖁᑎᖏᓐᓂ, ᑲᑎᑦᓱᒋᑦ ᐊᖏᓂᓖᑦ 5,300 ᑭᓛᒥᑌᑦ ᒪᕐᕈᕕᓪᓗᐊᓱᒋᑦ.
  • ᒪᑭᕝᕕᒃ ᑮᓇᐅᔭᓂᒃ ᐱᑎᑕᐅᕙᓪᓕᐊᓯᒪᓕᕐᑐ $86 ᒥᓕᐊᓂᒃ ᑮᓇᐅᔭᒻᒪᕆᓐᓅᖓᔪᓂᒃ ᐊᓯᖏᓐᓄᓗ ᑮᓇᐅᔭᖃᕈᑎᑦᓴᓂᒃ, $55 ᒥᓕᐊᓐ ᑮᓇᐅᔭᖃᕐᑎᓯᒍᑎᐅᓂᐊᕐᑎᓗᒋᑦ ᓄᓇᕕᐅᑉ ᐃᓄᖏᑦᑕ ᑮᓇᐅᔭᖁᑎᖏᓐᓂᒃ ᐱᑎᑦᓯᒍᑎᐅᕙᓐᓂᐊᑐᓂᒃ ᐃᒻᒥᒎᓈᕐᑎᑐᓂᒃ ᓄᓇᕕᐅᑉ ᐃᓄᖏᓐᓂᒃ ᕆᐊᖃᓕᑐᐊᕈᑎᒃ.
  • ᐱᓇᓱᐊᕐᕕᐅᓂᐊᕐᑐᑦ ᑲᒪᒋᔭᖃᖃᑎᒌᕝᕕᐅᓗᑎᒃ ᑐᑭᑖᕈᓐᓇᑑᓗᑎᒃ ᐊᖓᔪᕐᖃᐅᕕᖃᕈᓐᓇᓂᐊᕐᑐᑦ ᓄᐃᑕᐅᒪᔪᑦ ᓵᖕᖓᓯᒍᓐᓇᓂᐊᕐᓱᑎᒃ ᐆᒪᔪᓕᕆᓂᕐᒥᒃ, ᓄᓇᐅᑉ ᑲᒪᒋᔭᐅᓂᖓᓂᒃ, ᐱᓇᓱᐊᒻᒪᕆᑦᑐᖃᕆᐊᖃᓕᕐᐸᓗ ᐱᕙᓪᓕᐊᑎᑦᓯᒐᓱᐊᕐᓂᑯᑦ ᓱᕐᕋᑕᐅᓂᐊᖕᖒᕆᔭᐅᔪᓂ ᑲᒪᔨᐅᓂᐊᕐᑐᓂᒃ ᓄᓇᕕᐅᑉ ᑕᕆᐅᖓᓂ.
  • • ᐆᒪᔪᓅᓕᖓᔪᓂᒃ ᐊᑭᓕᕐᑕᐅᒍᑎᑦᓴᖃᕐᑎᑕᐅᓂᖅ, ᐱᓇᓱᐊᒻᒪᕆᒋᐊᕐᑐᓯᒪᔪᑦ ᐱᕙᓪᓕᐊᑎᑦᓯᓂᒃᑯᑦ ᐊᑭᓖᔪᑦᓴᔭᓕᐊᖑᒍᓐᓇᓂᐊᕐᑎᓗᒍ ᐊᑭᓕᕐᑕᐅᒍᒪᓯᔪᕕᓂᖅ ᓱᕐᕋᑕᐅᒍᑎᒋᓯᒪᔭᒥᓂᒃ ᐊᓯᐅᔨᑎᑕᐅᒍᑎᒋᓯᒪᔭᕐᒥᓂᓪᓗ ᓱᓕᓂᕃᒍᑎᖃᓪᓗᑯᐊᐱᖕᖏᑲᓗᐊᕐᐸᑦ ᑕᒡᒐᖓᑦ ᐱᓇᓱᐊᒻᒪᕆᓂᐅᑉ ᐱᒋᐊᕐᑕᐅᓯᒪᓂᖓᓂᑦ.
  • ᓱᕐᖁᐃᑕᐅᓂᖏᑦ ᐱᔪᓐᓇᐅᑏᑦ ᓄᐃᑕᑎᑕᐅᔪᑦ ᐊᕐᖁᑎᒋᖔᕐᓱᒍ “ᓱᓕᓂᕐᓴᐅᒐᓱᐊᕐᓂᖃᖕᖏᓂᕐᒧᑦ ᐱᐅᓯᖃᕐᓂᖅ” “ᓴᒃᑯᓯᓂᖅ ᖃᒥᑎᕆᓂᕐᓗ ᐱᐅᓯᐅᓯᒪᔪᖅ” ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᒍᑎᖓᓂ ᐊᑐᖕᖏᖔᕐᓱᒍ.

ᓱᓇᒥᑦᓯᐊᑐᑦ ᐱᑖᕈᑎᐅᔪᑦ ᑲᒪᒋᔭᖃᕈᑎᐅᒻᒪᑕ ᐱᔭᕇᕐᑕᐅᒣᑦᑐᓂᒃ ᐊᖏᖃᑎᒌᒍᑎᒻᒪᕆᓕᐅᕐᓂᒧᑦ ᑲᓇᑕᒥ, ᓄᐃᕙᑦᑐᑦ ᑲᓇᑕᐅᑉ ᓄᓇᖁᑎᖏᓐᓂᒃ ᓄᓇᓕᑐᖃᑦᓴᔦᑦ ᓄᓇᒥᒃ ᐱᔪᓐᓇᐅᑎᖃᕐᓱᑎᒃ ᑲᒪᒋᔭᐅᒻᒣᑑᑐᐊᕐᒪᑕ ᐊᖏᖃᑎᒌᒍᑎᒻᒪᕆᓕᐊᖑᓯᒪᔪᓄᑦ ᐅᕝᕙᓗᓐᓃᑦ ᐊᓯᖏᑎᒍᑦ ᐱᖁᔭᕐᑎᒎᕐᑐᑎᒍᑦ. ᑖᒃᑯᓇᓂ, ᓯᕗᓂᕐᒧᑦ ᑕᑯᓐᓇᕋᓱᐊᑦᓯᐊᑐᑦ ᐅᓪᓗᒥᑦᓯᐅᑏᑦ ᐊᖏᖃᑎᒌᒍᑎᒻᒪᕇᑦ ᐊᖏᖃᑎᒌᒐᓱᐊᕈᑕᐅᕙᑦᑐᑦ ᓄᓇᓕᑐᖃᑦᓴᔭᐅᓄᑦ, ᑲᓇᑕᒧᑦ ᐊᕕᑦᑐᓯᒪᔪᑎᒍᓪᓗ ᐳᔮᕙᓐᓯᓄᑦ ᐅᕝᕙᓗᓐᓃᑦ ᓄᓇᒻᒪᕆᐅᓂᕋᕐᑕᓄᑦ. ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓ ᑌᒣᑦᑑᓂᕋᕐᑕᐅᔪᖅ ᓱᓇᒥᑦᓯᐊᑑᑦᓱᓂ ᓄᓇᑖᕈᑎᐅᓂᕋᕐᑕᖅ ᐃᓗᓕᖃᕐᓱᓂᓗ ᐊᒥᓱᓂᒃ ᐊᑦᔨᒌᖕᖏᑐᓂᒃ ᑐᑭᓯᓇᕐᑎᓯᒍᑕᐅᔪᓂᒃ ᐊᖏᖃᑎᒌᒍᑕᐅᓯᒪᔪᓂᒃ ᓄᓇᑖᕐᓂᒧᑦ ᐃᓕᖓᑦᓱᑎᒃ.

ᐊᓪᓚᓯᒪᔪᕐᑕᖏᑦ ᓄᓇᕕᐅᑉ ᐃᓄᖕᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᖃᕆᑕᐅᔭᒥᑦ ᑎᒍᓚᔭᐅᒍᓐᓇᑐᑦ ᐅᑯᐊ:

Downloadable NILCA Schedules

ᓄᓇᕕᐅᑉ ᑕᕆᐅᖓ

ᓄᓇᕕᐅᑉ ᑕᕆᐅᖓ ᐃᓚᖃᕐᑐᖅ, ᐃᒪᓕᒫᒨᓕᖓᔪᓕᒫᓂᒃ, ᕿᑭᕐᑕᓂᒃ, ᓄᓇᓂᒃ ᐃᒪᕐᓂᒃ ᓇᓗᓀᒃᑯᓯᕐᑕᐅᒪᔪᐃᑦ ᐃᓗᐊᓃᑦᑐᓂᒃ ᓄᐃᑕᑎᑦᓯᒍᑎᐅᑉ 3-2 ᓄᓇᕕᒻᒥᐅᑦ ᐃᓄᖏᑦᑕ ᓄᓇᖃᕐᓂᒧᑦ ᐊᖏᖃᑎᒌᒍᑎᖓᓂ. ᓄᓇᕕᐅᑉ ᑕᕆᐅᖓᑕ ᓇᓗᓀᒃᑯᓯᕐᑕᐅᒪᒍᑎᖏᑦ ᐃᓚᖃᕐᑐᑦ ᐃᒪᕐᓂᒃ ᐊᑦᔨᒌᑦᑐᒥᒃ ᐊᑐᕐᑕᐅᓲᓂᒃ ᓇᔪᕐᑕᐅᓲᓂᓪᓗ ᐃᓄᖏᓐᓄᑦ ᓄᓇᕘᑉ, ᐃᒪᕐᓂᒃ ᐊᑦᔨᒌᑦᑐᒥᒃ ᐊᑐᕐᑕᐅᓲᓂᒃ ᓇᔪᕐᑕᐅᓲᓂᓪᓗ ᑯᔩᓄᑦ ᐊᓪᓚᓄᑦ ᐃᔫ ᐃᓰᒥᐅᓄᑦ. ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓ ᐊᕕᑦᑐᓯᒪᒋᐊᓪᓚᑕᐅᒍᑎᖃᕐᒥᔪᖅ ᐱᖓᓱᐃᓂᒃ ᓇᓗᓀᕐᑕᐅᒪᔪᓂᒃ, ᓇᓗᓀᕐᑕᐅᒪᔪᖅ ᐊ, ᓇᓗᓀᕐᑕᐅᒪᔪᖅ ᐸ, ᓇᓗᓀᕐᑕᐅᒪᔪᖅ ᑕ.

More About the 3 Zones

ᓇᓗᓀᕐᑕᐅᒪᔪᖅ ᐊ

ᓇᓗᓀᕐᑕᐅᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᓇᓗᓀᕐᑕᐅᒪᒋᐊᓪᓚᕈᑎᐅᕗᖅ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᐊᑦᔨᒌᑦᑐᒥᒃ ᐊᑐᕐᑕᐅᓲᓂ ᓇᔪᕐᑕᐅᓲᓂᓪᓗ ᐃᓄᖏᓐᓄᑦ ᓄᓇᕘᑉ ᑯᔩᒃᑯᓄᓪᓗ ᐊᓪᓚᓄᑦ ᐃᔫ ᐃᓰᒥᐅᓄᑦ. ᐊᒻᒪᓗ ᓄᓇᖁᑎᒋᔭᐅᓯᒪᔪᖅ ᑲᓇᑕᒧᑦ ᐱᕐᑕᐅᓯᒪᑦᓱᓂ. ᑌᒣᒻᒪᑦ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᓇᓗᓀᕐᑕᐅᒪᔪᖅ ᐊ ᐃᒪᖁᑎᒋᔭᐅᕗᖅ ᓄᓇᖁᑎᓕᒫᖏᑦ ᓄᓇᕕᐅᑉ ᐃᓄᖏᓐᓄᑦ ᓄᓇᒋᔭᐅᑎᓪᓗᒋᑦ. ᓱᓕᓂᕐᐹᓂᒃ ᑕᕐᓯᑕᐅᒪᒍᑎᐅᔪᓂᒃ ᑕᑯᒋᐊᕈᒪᒍᕕᑦ, ᑕᑯᒋᐊᕈᓐᓇᑐᑎᑦ ᑕᑯᑦᓴᐅᑎᑦᓯᒍᑎᒥᒃ 8-1-ᒥ ᓄᓇᕕᐅᑉ ᐃᓄᖏᑦᑕ ᓄᓇᖃᕐᓂᒧᑦ ᐊᖏᖃᑎᒌᖑᑎᖓᓂ.

ᑭᓯᐊᓂ ᓇᓗᓀᕐᑕᐅᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᐃᒻᒥᒎᓪᓗᑯᐊᐱᑦᑐᓂᒃ ᐱᖓᓱᓂᒃ ᓄᓇᖁᑎᑕᖃᕐᒥᔪᖅ ᓇᓗᓀᕐᑕᐅᓯᒪᔪᓕᒫᑉ ᐃᓗᐊᓂ ᐱᒋᔭᐅᖏᓐᓇᓚᖓᔪᓂᒃ ᑲᓇᑕᒧᑦ. ᓇᓗᓀᕐᑕᐅᒪᔪᖅ ᐊ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ, , ᕿᑭᕐᑕᓰᑦ ᐃᓚᐅᑎᑕᐅᖕᖏᓂᖓᑕ ᖃᓄᐃᓪᓗᐊᓂᖓ (ᑕᑯᓗᒍ ᑕᑯᑦᓴᐅᑎᑦᓯᒍᑎᒃ 8-1-ᐸ ᓄᓇᕕᐅᑉ ᐃᓄᖏᖏᑦᑕ ᓄᓇᖃᕐᓂᒧᑦ ᐊᖏᖃᑎᒌᖑᑎᖓᓂ) ᒥᑭᔪᐊᐱᐅᕗᖅ ᓱᕐᖄᑎᕐᑕᐅᒪᔪᓂ ᓄᓇᓂ ᓯᕿᓂᕐᓯᖓᓂᒃ ᕿᑭᕐᑕᓰᑦ ᓄᕗᐊᑉ ᐃᒪᕐᐱᖓᓂ ᐃᑭᕋᓴᕐᒥᑑᑉ (ᐃᕗᔨᕕᐅᑉ ᑕᕐᕋᓯᖓᓂ). ᐊᒃᐸᑑᖅ ᐅᖓᕙᒥ ᐱᖓᓱᓂᒃ ᓱᕐᖄᑎᕐᑕᐅᒪᔪᓂᒃ ᓄᓇᖁᑎᖃᕐᒥᔪᖅ ᐃᓚᐅᑎᑕᐅᖕᖏᒥᔪᓂᒃ ᑎᒍᒥᐊᕐᑕᐅᖏᓐᓇᕋᒥᒃ ᑲᓇᑕᒧᑦ. ᑕᑯᑦᓴᐅᑎᑦᓯᒍᑎᒥᒃ 8-1-ᑕ ᓄᓇᕕᐅᑉ ᐃᓄᖏᖏᑦᑕ ᓄᓇᖃᕐᓂᒧᑦ ᐊᖏᖃᑎᒌᖑᑎᖓᓂ. ᓄᐃᑕᑎᑦᓯᔪᖅ ᓄᓇᒥᒃ 1-ᒥᒃ ᐃᓚᐅᑎᑕᐅᖕᖏᑐᒥᒃ, 8-1-ᑲ . ᓄᐃᑕᑎᑦᓯᔪᖅ ᓄᓇᒥᒃ 2-ᒥᒃ ᐃᓚᐅᑎᑕᐅᖕᖏᑐᒥᒃ. ᓄᓇ 3 ᐊᒃᐸᑑᒦᑦᑐᖅ ᓄᓇᕈᐊᐱᒃ ᕿᑭᕐᑕᐅᑉ ᑕᕐᕋᓯᖓᓂ ᑕᓕᕐᐱᐊᓃᑦᓱᓂ, ᑎᒍᒥᐊᕐᑕᐅᖏᓐᓇᓯᒪᔪᖅ ᑲᓇᑕᒧᑦ ᐃᓱᒫᓗᓐᓇᑐᕐᑕᖃᕐᒪᑦ ᐊᕙᑎᓕᕆᓂᕐᒧᐊᖓᔪᒥᒃ.

ᓇᓗᓀᕐᑕᐅᒪᔪᖅ ᐸ

ᓇᓗᓀᕐᑕᐅᒪᔪᖅ ᐸ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᓇᓗᓀᕐᑕᐅᒪᒋᐊᓪᓚᕈᑎᐅᕗᖅ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᐊᑦᔨᒌᑦᑐᒥᒃ ᐊᑐᕐᑕᐅᓲᓂ ᓇᔪᕐᑕᐅᓲᓂᓪᓗ ᓇᒻᒥᓂᖃᖃᑎᐅᑎᓪᓗᒋᑦ ᑯᔩᒃᑯᑦ ᐊᓪᓖᑦ ᐃᔫ ᐃᓰᒥᐅᑦ. ᓄᓇᓕᒫᑦ ᓇᓗᓀᕐᑕᐅᓚᔪᒥ ᐸ-ᒥᑦᑐᑦ ᓇᒻᒥᓂᕆᔭᐅᔪᑦ ᐃᓄᓐᓄᑦ ᐊᓪᓚᓄᓪᓗ Gillies ᕿᑭᕐᑕᖓ ᐃᓚᐅᑎᓐᓇᒍ (ᐃᓕᑕᕐᓯᒪᐅᑏᑦ ᑌᓯᓯᒪᒍᑎᒧᑦ 164, ᓄᓇᕗᑦ ᓄᓀᑦ ᑌᔭᐅᓯᒪᕕᖓᑕ ᐊᓪᓚᕕᖓᓃᑦᑐᖅ ᒪᓕᑦᓱᒍ). (ᓱᓕᓂᕐᐹᓂᒃ ᑕᕐᓯᑕᐅᒪᒍᑎᐅᔪᓂᒃ ᑕᑯᒋᐊᕈᒪᒍᕕᑦ, ᑕᑯᒋᐊᕈᓐᓇᑐᑎᑦ ᑕᑯᑦᓴᐅᑎᑦᓯᒍᑎᒥᒃ 8-2-ᒥ ᓄᓇᕕᐅᑉ ᐃᓄᖏᑦᑕ ᓄᓇᖃᕐᓂᒧᑦ ᐊᖏᖃᑎᒌᖑᑎᖓᓂ.

ᓇᓗᓀᕐᑕᐅᒪᔪᖅ ᑕ

ᓇᓗᓀᕐᑕᐅᒪᔪᖅ ᑕ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᓇᓗᓀᕐᑕᐅᒪᒋᐊᓪᓚᕈᑎᐅᕗᖅ ᓄᓇᕕᐅᑉ ᑕᕆᐅᖓᑕ ᐃᒪᖁᑎᖓᓂ ᓇᓗᓀᕐᑕᐅᒪᑦᓱᓂ ᐊᑦᔨᒌᑦᑐᒥᒃ ᐊᑐᕐᑕᐅᓲᓂ ᓇᔪᕐᑕᐅᓲᓂᓪᓗ, ᑭᓯᐊᓂ ᐊᖏᓂᕐᓴᖏᑦ ᓄᓀᑦ ᑕᒡᒐᓂ ᓇᓗᓀᕐᑕᐅᓯᒪᔪᒥ ᓇᒻᒥᓂᕆᔭᐅᔪᑦ ᑯᔩᓄᑦ ᐊᓪᓚᓄᑦ ᐃᔫ ᐃᓰᒥᐅᓄᑦ, ᐅᑯᐊ ᓄᓇᕕᐅᑉ ᐃᓄᖏᑦᑕ ᓄᓇᖁᑎᖏᑦ ᐃᓚᒋᔭᐅᑎᓐᓇᒋᑦ Grass ᕿᑭᕐᑕᖓ, ᕿᑎᓪᓗᐊᖓ ᓄᓇᖕᖑᐊᒥ ᓇᓗᓀᕐᑕᐅᒪᒍᑎᓕᒃ 53°47'50" ᑕᕐᕋᖓᓂ ᐃᑳᖓᔪᕐᑎᒍᑦ 79°06'40" ᐊᑐᐊᕐᓂᒥ ᓴᓂᒧᐊᖓᔪᕐᑎᒍᑦ; ᓄᓀᓪᓗ ᓇᓗᓀᒃᑯᓯᕐᓯᒪᔪᑦ ᐅᑯᓇᓂ:

  1. 53°50'06" N ᑕᕐᕋᖓᓂ 79°07'59" W ᐊᑐᐊᕐᓂᒥ;
  2. 53°50'13" N ᑕᕐᕋᖓᓂ 79°04'11" W ᐊᑐᐊᕐᓂᒥ;
  3. 53°49'46" N ᑕᕐᕋᖓᓂ 79°04'27" W ᐊᑐᐊᕐᓂᒥ;
  4. 53°49'40" N ᑕᕐᕋᖓᓂ 79°05'00" W ᐊᑐᐊᕐᓂᒥ;
  5. 53°49'25" N ᑕᕐᕋᖓᓂ 79°05'35" W ᐊᑐᐊᕐᓂᒥ;
  6. 53°49'31" N ᑕᕐᕋᖓᓂ 79°07'20" W ᐊᑐᐊᕐᓂᒥ;
  7. 53°49'49" N ᑕᕐᕋᖓᓂ 79°08'00" W ᐊᑐᐊᕐᓂᒥ;

ᓱᕐᖁᐃᑕᐅᒪᓂᕐᓴᐅᓂᐊᕐᒪᑦ, ᑭᓪᓕᖏᑦᑕ ᐃᓗᐊᓂ ᐃᓚᐅᑎᑕᐅᔪᑦ ᒪᑯᐊ ᐊᑦᓯᑕᐅᒪᑦᓱᑎᒃ ᕿᑭᕐᑌᑦ:

  • Governor Island: ᕿᑎᖓ ᐅᕙᓂ 53°49'45" ᑕᕐᕋᖓᓂ ᐊᒻᒪᓗ79”06'00"
  • Sam Island: ᕿᑎᖓ ᐅᕙᓂ 53°50'00" ᑕᕐᕋᖓᓂ ᐊᒻᒪᓗ 79°06'00"ᐊᑐᐊᕐᓂᒥ; ᐊᒻᒪᓗ
  • Seal Island:ᕿᑎᖓ ᐅᕙᓂ 53°49'45" ᑕᕐᕋᖓᓂ ᐊᒻᒪᓗ 79°07'30" ᐊᑐᐊᕐᓂᒥ

ᓄᓇᕕᐅᑉ ᓄᓇᖁᑎᖓ

ᓄᓇᕕᐅᑉ ᓄᓇᖓ 10,000-ᓂᒃ ᐃᓄᓕᒃ, ᓯᓈᒥᐅᖑᑦᓱᑎᒃ ᓄᓇᓕᖏᑦ: ᑲᖏᕐᓱᐊᓗᑦᔪᐊᖅ, ᑯᑦᔪᐊᖅ, ᑕᓯᐅᔭᖅ, ᐊᐅᐸᓗᒃ, ᑲᖏᕐᓱᒃ, ᖁᐊᕐᑕᖅ, ᑲᖏᕐᓱᐊᓗᑦᔪᐊᖅ, ᓴᓪᓗᐃᑦ ᐃᕗᔨᕕᒃ, ᐊᑯᓕᕕᒃ, ᐳᕕᕐᓂᑐᖅ, ᐃᓄᒃᔪᐊᖅ, ᐅᒥᐅᔭᖅ, ᑯᑦᔪᐊᕌᐱᒃ ᓯᓵᓯᐱᓗ (ᓄᓇᕕᐅᑉ ᓯᓚᑖᓂᑐᖅ ᐊᓪᓓᑦ ᓄᓇᓕᖓ ᐃᓄᑐᐃᓐᓇᓄᑦ ᓄᓇᖃᕐᕕᐅᒥᔪᖅ).

ᓄᓇᕕᐅᑉ ᓄᓇᓕᖏᑦ

ᓄᓇᓖᑦ ᐅᖓᓯᓐᓂᖃᕐᑐᑦ 1500 ᑭᓛᒥᑌᑦ 2500 ᑭᓛᒥᑌᓪᓗ ᐊᑯᓐᓂᖓᓂ ᒪᓐᑐᕆᐊᒥᑦ ᑕᕐᕌᒦᑦᓱᑎᒃ. ᐱᖓᓱᐃᓐᓀᑦ ᓄᓇᓖᑦ 1,000 ᐅᖓᑖᓂ ᐃᓄᓖᑦ. 90%-ᑲᓴᖏᑦ ᓄᓇᕕᒻᒥᐅᑦ ᐃᓄᑐᐃᓐᓀᑦ.

ᐊᕐᖁᑎᖃᖕᖏᑐᖅ ᐱᑐᑦᓯᒪᐅᑎᑦᓴᖏᓐᓂᒃ ᓄᓇᕕᐅᑉ ᓄᓇᓕᖏᑦᑕ, ᓄᓇᕕᒃ ᐊᕐᖁᑎᓄᑦ ᐱᑐᑦᓯᒪᑦᓴᓂᐅᔭᖕᖏᒪᑦ ᖃᓪᓗᓈᑦ ᓄᓇᖓᓐᓄᑦ. ᖃᖓᑦᑕᔫᒃᑯᑭᓯᐊᓂ ᐊᕐᕌᒍᓕᒫᖅ ᐃᓄᐃᑦ ᐅᓯᔭᐅᒋᐊᓖᓪᓗ ᐊᐅᓚᕙᑦᑐᑦ. ᐅᐱᕐᖔᒥ, ᐅᒥᐊᕐᔪᐊᑯᑦ ᑎᑭᑕᐅᑦᑕᐸᑦᑑᒐᓗᐊᑦ ᓄᓇᓖᑦ ᐱᐅᒃᑯᑎᑦᓴᓄᑦ ᓂᐅᕕᐊᑦᓴᓄᓪᓗ ᖃᖓᑦᑕᔫᒃᑯᕆᐊᓪᓚᕕᖃᖕᖏᑐᓄᑦ.

ᓄᓇᕕᒻᒥ ᐃᓅᒐᓱᐊᕐᓂᐅᑉ ᐊᑭᑐᓂᖓ 69%-ᒧᑦ ᐊᑭᑐᓂᕐᓴᐅᓂᕋᕐᑕᖅ ᐊᓯᓕᖏᓐᓂ ᓄᓇᓂᑦ ᑯᐯᓕᒫᒥ. 2001-ᒥ ᑲᓇᑕᒥ ᑭᓯᑦᓯᓂᖃᕐᑎᓗᒍ ᑐᓴᕐᑎᓯᐅᑎᓕᐊᕕᓂᖅ ᐅᒪᔪᕐᓯᐅᓂᖅ ᓄᓇᓕᐅᓪᓗ ᖃᓄᐃᖕᖏᓯᐊᕐᓂᖓ ᐃᓄᑐᐃᓐᓇᓂ ᖃᐅᔨᒍᑎᐅᓯᒪᔪᖅ ᓂᖀᑦ ᑯᑦᔪᐊᒥ 2.4-ᒧᑦ ᐊᑭᑐᓂᕐᓴᐅᒋᐊᖏᑦ ᒪᓐᑐᕆᐊᒥ ᑖᒃᑯᓄᖓᑦᓭᓇᖅ ᓂᕿᓄᑦ. ᓄᓇᕕᐅᑉ ᐃᓄᖏᑦ ᐱᖁᔭᕐᒧᑦ ᐊᓪᓚᓅᓕᖓᔪᒧᑦ ᐃᓚᐅᖕᖏᑐᑦ ᑲᓇᑕᐅᑉ ᑯᐯᓪᓗ ᑖᒃᓰᔭᕐᑎᓯᒍᑎᖏᓐᓂᒃ ᐊᑭᓕᕐᑐᐃᔪᑦ ᑲᓇᑕᒥᐅᓕᒫᑎᑐᑦ.

ᓄᓇᕕᐅᑉ ᐃᓄᖏᑦ ᐅᕕᒐᕐᑐᒪᕆᐊᓘᐃᑦ. 75%-ᖏᑦ ᓄᓇᕕᒻᒥᐅᑦ 35-ᓂᒃ ᐅᑭᐅᓖᑦ ᓄᑲᕐᓰᓗ, 50%-ᖏᓪᓗ 20-ᓂᒃ ᐅᑭᐅᓖᑦ ᓄᑲᕐᓰᓗ. ᐱᐊᕃᑦ ᑕᓪᓕᒪᓂᒃ ᐅᑭᐅᓖᑦ ᓄᑲᕐᓰᓗ ᐳᓴᓐᑎᖏᑦ 2.5-ᓄᑦ ᐊᒥᓲᓂᕐᓭᑦ ᓄᓇᕕᒻᒥ ᑯᐯᓕᒫᑦ ᓴᓂᐊᓂᑦ. ᑖᒃᑯᐊ ᐱᐊᕃᑦ ᑌᒣᓪᓗᐊᑐᐃᑦ 1600 ᒥᑦᓵᓃᑦᑐᑦ 16%-ᒋᔭᐅᑦᓱᑎᒃ ᓄᓇᕕᐅᑉ ᐃᓄᖏᓐᓄᑦ. ᐅᓄᒋᐊᑦᓯᐸᓪᓕᐊᓂᖓ ᓄᓇᕕᒻᒥᐅᑦ ᐃᓄᖏᑦᑕ ᐱᖓᓱᕕᓪᓗᐊᑐᒥᒃ ᓯᑕᒪᕕᓪᓗᐊᑐᒥᓪᓘᓃᑦ ᐳᕐᑐᓂᕐᓴᐅᔪᖅ ᑯᐯᓕᒫᑉ ᓴᓂᐊᓂᑦ. 1950-ᒥᓂᑦ, ᐃᓅᑦᑐᐊᕈᓐᓇᓂᖓ ᐃᓄᐃᑦ ᐱᐅᓯᐅᒥᓯᒪᓪᓚᕆᑦᑐᖅ, 48-ᓂᑦ ᐅᑭᐅᓂᑦ 66-ᓄᑦ.

ᐱᒻᒪᕆᐅᔪᖅ ᐱᐅᓯᑐᖃᕆᔭᐅᑦᓱᓂ ᓄᓇᕕᐅᑉ ᐃᓄᖏᓐᓂ ᑎᒍᐊᕐᓂᖅ. ᑕᓪᓕᒪᐅᑦᓴᐸᑕ ᐱᐊᕃᑦ ᐃᓅᓕᕐᑐᑦ, ᐊᑕᐅᓯᖅ ᑎᒍᐊᖑᒐᔭᕐᑐᖅ. ᑯᐯᑉ ᖃᓄᐃᖕᖏᓯᐊᕐᓂᓕᕆᔨᒃᑯᖏᑦᑕ ᖃᐅᔨᓴᕈᑎᒋᓯᒪᔭᖓ ᓄᓇᕕᐅᑉ ᐃᓄᖏᓐᓂᒃ (1992) ᑕᑯᓗᒍ, 23%-ᖏᑦ ᐃᓄᐃᑦ 15-ᓂᒃ ᐅᑭᐅᓖᑦ ᐊᖓᔪᑦᓰᓗ ᐅᖃᕐᓯᒪᔪᑦ ᑎᒍᐊᖑᒋᐊᒥᒃ, ᐊᑦᔨᒌᑲᓴᑦᓯᐊᑦ ᐊᖑᑏᑦ ᐊᕐᓀᓗ ᑎᒍᐊᖑᓯᒪᔪᑦ, 57%-ᓗ 15-ᓂᒃ ᐅᑭᐅᓖᑦ ᐊᖓᔪᑦᓰᓗ ᖃᐅᔨᓴᕐᑕᐅᔪᕕᓃᑦ ᑎᒍᐊᕐᓯᒪᔪᑦ ᐅᕝᕙᓗᓐᓃᑦ ᑎᒍᐊᖑᑎᑦᓯᓯᒪᔪᑦ ᐊᑕᐅᓯᕐᒥᒃ ᐱᐊᕋᕐᒥᒃ.

ᐃᓄᐃᑦ ᐃᓄᑦᑎᑐᕐᓂᒥᒃ ᐅᖃᐅᓯᓖᑦ, ᐊᑐᕐᑕᐅᓱᓂᓗ ᐃᓄᓕᒫᑲᓵᑦᓯᐊᓄᑦ, 95% ᐅᖓᑖᓄᑦ ᐃᓄᑦᑎᑑᕈᓐᓇᓯᐊᕐᓂᑕᓕᒃ. ᐃᓕᓐᓂᐊᑎᑦᓯᒍᑎᐅᒋᐊᖕᖓᑐᖅ ᐃᓄᑦᑎᑑᕐᓂᖅ ᐃᓕᓐᓂᐊᕆᐊᖕᖓᑐᐊᐱᓐᓂᒃ ᐳᕐᑐᓂᓕᒻᒧᑦ 3-ᓂᒃ ᑎᑭᑦᓱᒍ ᐊᑐᕐᑕᐅᖏᓐᓇᓯᐊᕐᓱᓂᓗ ᐯᕐᓯᕕᓐᓂ. ᐃᓕᓐᓂᐊᕖᑦ ᓄᓇᕕᒻᒥ ᐱᒋᐊᕐᑎᑕᐅᓚᐅᕐᓯᒪᔪᑦ ᑲᕙᒪᑐᖃᒃᑯᓄᑦ 1950-ᓂ, ᓄᓇᕕᐅᑉ ᐃᓄᖏᓐᓄᑦ ᓄᓇᓕᒻᒨᔭᕐᑎᓯᒍᑎᐅᓯᒪᑦᓱᑎᒃ. ᐃᓕᓐᓂᐊᕖᑦ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᖏᑦᑕ ᐊᐅᓚᓕᕐᑕᖏᑦ, ᑖᓐᓇ ᐱᓇᓱᐊᕐᕕᒃ ᑎᒥᐅᔪᖅ ᓄᐃᑕᐅᓯᒪᑦᓱᓂ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᒍᑦ.

ᑯᐯ ᑕᕐᓯᑕᐅᓯᒪᒍᑎᖓᑕ ᐊᖏᓕᒋᐊᕐᑕᐅᓂᖓᓄᑦ ᐱᖁᔭᖅ, 1912 ᑯᐯᒻᒧᑦ ᓄᑦᑏᒍᑎᐅᓯᒪᔪᖅ ᓄᓇᕕᐅᓕᕐᑐᒥᒃ, ᒪᓕᑦᑕᐅᔭᕆᐊᖃᕐᑐᑕᖃᕐᓱᓂ ᓄᓇᓕᑐᖃᑦᓴᔦᑦ ᐱᔪᓐᓇᐅᑎᖏᑦᑕ ᐃᓕᑕᕆᔭᐅᒋᐊᖃᕐᓂᖏᓐᓂᒃ ᑕᒫᓂ ᓄᓇᒥ. ᑯᐯᑉ ᑲᕙᒪᒃᑯᖏᑦ ᔦᒻᔅ ᐯ ᓄᓇᕕᐅᓪᓗ ᓄᓇᖁᑎᖓᓂ ᐃᑯᒪᐅᑎᓕᐅᕈᒪᓂᕐᒧᑦ ᑰᓐᓂ ᓯᒥᑦᑐᐃᒍᒪᓕᕐᓂᕕᓂᖓ ᐱᒋᐊᕐᕕᒋᑦᓱᒍ, ᐃᕐᖃᑐᐃᕕᒃᑰᑎᑦᓯᓂᖃᓚᐅᕐᓯᒪᔪᖅ, ᑕᒪᓐᓇᓗ ᓄᐃᑦᓯᒍᑎᐅᓚᕿᓯᒪᔪᖅ ᓯᕗᓪᓕᐹᑦᓯᐊᒥᒃ ᓄᑖᒥᒃ ᐊᖏᖃᑎᒌᒍᑎᒻᒪᕆᐅᔪᒥᒃ ᑲᓇᑕᒥ, ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᒍᑎᖓᓂᒃ 1975-ᒥ. ᓄᓇᕕᐅᑉ ᓄᓇᖁᑎᖓᑕ ᐊᐅᓚᑕᐅᓂᖓ ᐃᓂᓪᓚᑎᕐᑕᐅᓯᒪᔪᖅ ᑕᑦᓱᒧᖓ ᐊᖏᖃᑎᒌᒍᑎᒧᑦ, ᐊᖓᔪᕐᖃᐅᕕᐅᒍᓐᓇᑐᓂᒃ ᑲᒪᒋᔭᖃᕐᓂᒧᑦ ᓄᐃᑦᓯᒍᑎᐅᑦᓱᓂ ᓄᓇᐅᑉ ᐱᑦᓴᖑᕈᓐᓇᑐᖁᑎᖏᓐᓄᐊᖓᔪᓂᒃ ᐅᒪᔪᓄᓪᓗ, ᐱᓗᐊᕐᑐᒥᒃ ᐊᓪᓚᓯᒪᔪᖅ 23 (ᐊᕙᑎᓕᕆᓂᕐᒧᑦ ᐊᖓᔪᕐᖃᐅᕕᐅᒍᓐᓇᑐᑦ) ᐊᒻᒪᓗ ᐊᓪᓚᓯᒪᔪᖅ 24 (ᐅᒪᔪᕐᓯᐅᓂᕐᒧᑦ ᐃᖃᓗᑦᓯᐅᓂᕐᒧᓗ ᐊᖓᔪᕐᖃᐅᕕᐅᒍᓐᓇᑐᑦ). ᑕᒪᕐᒥᒃ ᑖᒃᑯᐊ ᐊᖓᔪᕐᖃᐅᕕᐅᒍᓐᓇᑑᒃ ᓴᕐᕿᑕᐅᓯᒪᔫᒃ ᐱᖁᔭᖏᑦᑎᒍᑦ ᑯᐯᑉ ᐊᒻᒪᓗ ᓴᕐᕿᑕᐅᓂᖓᒍᑦ ᐊᔫᖀᒋᐊᕐᑏᑦ ᑎᒥᐅᔪᑦ ᑲᒪᒋᔭᖃᕐᑐᓴᔭᐅᑦᓱᑎᒃ ᑕᒣᓐᓂᒃ ᐊᖓᔪᕐᖃᐅᕕᑦᓴᔮᓐᓂᒃ.