ᖃᕆᑕᐅᔭᒥᒃ ᐊᑐᕐᑎᐅᑉ ᐃᑎᕈᑎᖓ

ᑐᑭᓯᒋᐊᑦᓯᐊᕈᒪᐅᑏᑦ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᓂᒃ ᑐᕌᕐᑎᑕᐅᒋᐊᓖᑦ ᐊᓪᓚᕕᖓᓄᑦ ᑯᑦᔪᐊᒦᑦᑐᒧᑦ, ᑯᐯᒻᒥ, ᐅᖄᓚᕕᐅᒍᓐᓇᑐᑦ 819-964-0888 ᓱᑲᑦᑐᑰᕈᑎᒃᑯᓗᓐᓃᑦ 819-964-0241, ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᐊᓪᓚᕕᐅᓗᑎᒃ ᐅᕙᓂ info@nmrpc.ca.


ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᐸᕐᓀᕈᓯᓕᐊᖑᓯᒪᔪᖅ

ᓄᓇᐅᑉ ᐊᑐᕐᑕᐅᓂᑦᓴᖓᓄᑦ ᐸᕐᓇᓂᖅ

ᑐᑭᓯᒋᐊᑦᓯᐊᕈᒪᐅᑏᑦ ᖃᐅᔨᒐᓱᐊᕐᕕᐅᒍᓐᓇᑐᓪᓗ

The remoteness of Nunavik presents a challenge to the NMRPC. In addition to the various Nunavik Inuit communities spread throughout the region, the area has historically, and continues today to have various stakeholders, Ethnic organizations and government interested in developing the north.

    ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᖃᓄᐃᓘᕐᑎᐅᒋᐊᖃᕐᑎᑕᐅᒍᑎᒥᒍᑦ ᐱᓇᓱᐊᕆᐊᖃᕐᑎᑕᐅᒍᓯᕐᒥᒍᓪᓗ ᓄᓇᕕᐅᑉ ᑕᕆᐅᖓᓂᒃ ᐸᕐᓇᕈᑎᓕᐅᕐᓂᒧᑦ ᐱᓇᓱᐊᕐᑏᑦ ᐃᒣᓗᕐᑎᐅᒋᐊᖃᕐᖁᑦ:

  1. ᓇᓗᓀᕐᓯᔨᐅᓗᑎᒃ ᐸᕐᓇᑕᐅᒋᐊᓕᓐᓂᒃ ᓄᓇᓂᒃ;
  2. ᓇᓗᓀᕐᓯᔨᐅᓗᑎᒃ ᐸᕐᓇᓯᒪᐅᑎᓪᓗᑯᐊᐱᖃᕆᐊᖃᕐᓂᐅᑉ ᑐᕌᒐᖏᓐᓂᒃ, ᑎᑭᐅᑎᒐᓱᐊᕆᐊᓕᖏᓐᓂᒃ ᐊᑦᔨᒌᖕᖏᑐᕐᑕᖏᓐᓂᓗ ᐃᓕᖓᔪᓄᑦ ᐸᕐᓇᑕᐅᒋᐊᓕᓐᓄᑦ ᓄᓇᓄᑦ, ᒪᓕᑦᓯᐊᑎᓗᒋᓪᓗ ᐊᖏᓂᕐᓴᓂᒃ ᑐᕌᒐᕐᓂᒃ ᑎᑭᐅᑎᔭᐅᒐᓱᐊᕐᑐᓂᓪᓗ;
  3. ᐱᓇᓱᐊᖃᑎᐅᓗᑎᒃ ᐱᕙᓪᓕᐊᑎᑦᓯᖃᑎᐅᓗᑎᒃ ᕿᒥᕐᕈᖃᑎᐅᓗᑎᓪᓗ ᐅᑭᐅᕐᑕᑑᑉ ᑕᕆᐅᖓᑕ ᒪᓕᒐᖓᓂ;
  4. ᐃᕐᐸᑎᕆᓗᑎᒃ ᖃᐅᔨᒪᔭᐅᔭᕆᐊᓕᓐᓂᒃ ᑐᑭᓯᒪᒍᑎᑦᓴᐅᔪᓂᓪᓗ;
  5. ᐃᓱᒪᒋᔭᐅᔪᓂᒃ ᓄᓇᓕᓐᓂᑦ, ᐃᓄᖁᑎᖏᓐᓂᑦ ᐊᓯᖏᓐᓂᓗ ᓄᐊᑦᓯᓗᑎᒃ ᐸᕐᓇᓂᕐᒧᐊᖓᔪᑦ ᑐᕌᒐᑦᓴᖏᓐᓅᖓᔪᓂᒃ, ᑎᑭᐅᑎᒐᓱᐊᕐᑕᖏᓐᓂᒃ ᐊᒻᒪᓗ ᐊᑦᔨᒌᖕᖏᑐᓂᒃ ᓇᓪᓕᑳᒐᑦᓴᐅᔪᓂᒃ ᓄᓇᖁᑎᒋᔭᐅᔪᒧᑦ;
  6. ᐊᑐᐃᓐᓇᕈᐃᓗᑎᒃ ᐃᕐᐸᑎᕆᓗᑎᓪᓗ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓕᐊᖑᒋᐊᖕᖓᑐᓂᒃ;
  7. ᓇᐅᓕᒫᓂᒃ ᖃᐅᔨᒪᑎᑦᓯᒐᓱᐊᕐᑎᐅᓗᑎᒃ, ᐅᖃᐅᓯᖃᕐᑎᓯᒐᓱᐊᕐᓗᑎᒃ ᐃᓄᓕᒫᕐᑎᓯᖃᑦᑕᓗᑎᒃ ᑭᐅᒪᐅᑎᓂᕐᑕᖃᕐᑎᓯᖃᑦᑕᓗᑎᒃ ᐸᕐᓇᓂᕐᑕᖃᕐᓂᓕᒫᑦᓯᐊᖓᓂ;
  8. ᐸᕐᓇᕈᑎᓕᐊᖑᓯᒪᔪᓂᒃ ᖃᓄᐃᓕᒋᐊᕈᑕᐅᔪᑦᓴᓕᐅᕐᓗᑎᒃ ᑐᕐᖃᑕᕐᕕᓄᑦ;
  9. ᐃᓱᒪᑦᓴᓯᐅᕈᑎᖃᕐᓗᑎᒃ ᑐᕐᖃᑕᕐᕖᑦ ᐊᓯᑦᔨᒋᐊᕐᑕᐅᖁᔨᒍᑎᖏᓐᓂᒃ, ᐸᕐᓇᓯᒪᐅᑎᓕᐊᖑᒋᐊᖕᖓᑐᖅ ᐊᖏᕐᑕᐅᔪᕕᓂᐅᖕᖏᐸᑦ;
  10. ᐃᓱᒪᑦᓴᓯᐅᕈᑎᖃᕐᓗᑎᒃ ᐊᓯᑦᔨᒋᐊᕐᑕᐅᒍᑎᑦᓴᖏᓐᓂᒃ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᐅᑉ ᐊᓪᓚᓯᒪᔪᖅ 6 ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓃᑦᑐᖅ ᒪᓕᓪᓗᒍ;
  11. ᓱᕐᖁᐃᓯᔨᐅᓗᑎᒃ ᐱᓇᓱᐊᕐᑕᐅᒍᒪᓯᒪᔪᖅ ᒪᓕᑦᓯᐊᕋᓗᐊᕐᒪᖔ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᐅᔪᓂᒃ;
  12. ᑲᒪᓇᓱᑦᑎᐅᓗᑎᒃ ᐱᓇᓱᐊᕐᑕᐅᒍᒪᓯᒪᔪᖅ ᒪᓕᑦᓯᐊᕋᓗᐊᕐᒪᖔ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᐅᔪᓂᒃ; ᐊᒻᒪᓗ
  13. ᑐᕐᖃᑕᕐᕕᓂᒃ ᒪᑭᕝᕕᐅᓗ ᑎᓕᓯᒪᔭᖓᓂᒃ ᑎᒥᒥᒃ ᑐᓴᕐᑎᓯᔨᐅᓗᑎᒃ ᐊᕐᕌᒍᑕᒫᑦ, ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑏᑦ ᑲᔪᓯᑎᑕᐅᓂᖏᑦᑕ ᒥᑦᓵᓄᑦ.

ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑏᑦ ᓄᓇᕕᐊᑉ ᑕᕆᐅᖓᓂ ᐱᕙᓪᓕᐊᑎᑕᐅᓂᖏᑦᑕ ᐊᓯᐊᒍᑦ, ᓄᓇᕕᐅᑉ ᑕᕆᐅᖓᓂᒃ ᐸᕐᓇᕈᑎᓕᐅᕐᓂᒧᑦ ᐱᓇᓱᐊᕐᑏᑦ ᐊᓯᑦᔩᒋᐊᕈᓐᓇᒥᔪᑦ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓂᒃ ᕿᒥᕐᕈᓕᐅᒥᔮᕐᖃᑦᑕᓂᒃᑯᑦ. ᑌᒣᓕᕐᐸᑦ, ᑲᕙᒪᒃ, ᒪᑭᕝᕕᐅᑉ ᑎᓕᓯᒪᔭᖓ ᑎᒥᒃ, ᐅᕝᕙᓗᓐᓃᑦ ᐃᓄᐃᑦ ᓱᕐᕋᑕᐅᓚᖓᔪᑦ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᒧᑦ ᐊᓯᑦᔨᑕᐅᖁᔭᒥᓂᒃ ᓄᐃᑦᓯᕕᖃᕐᑐᑦ, ᑖᒃᑯᐊᓗ ᓄᓇᕕᐅᑉ ᑕᕆᐅᖓᓂᒃ ᐸᕐᓇᕈᑎᓕᐅᕐᓂᒧᑦ ᐱᓇᓱᐊᕐᑏᑦ ᐃᓱᒪᑦᓴᓯᐅᕈᑎᖃᓕᕋᔭᕐᑐᑦ ᐊᓯᑦᔨᒋᐊᕈᑎᐅᖁᔭᕐᒥᒃ, ᓇᒻᒪᓈᕐᐸᓗ ᕆᐊᖃᕈᓂ, ᕿᒥᕐᕈᖃᑦᑕᓗᑎᒃ ᓇᐅᓕᒫᑦ ᐃᓚᐅᑎᓪᓗᒋᑦ.


ᓄᓇᐅᑉ ᐊᑐᕐᑕᐅᓂᑦᓴᖓᓄᑦ ᐸᕐᓇᓂᖅ

ᐅᓪᓗᒥᐅᑎᓪᓗᒍ ᑲᓇᑕᒥ, “ᐸᕐᓇᓂᖅ” ᑐᑭᓯᓇᕐᑎᑕᐅᒍᑎᓕᒃ ᓱᑯᐃᔦᓂᒃᑯᑦ, ᓱᒃᑯᑎᕆᑦᑌᓕᓂᒃᑯᑦ ᐃᓂᓪᓚᖓᑎᑦᓯᓯᐊᕐᓂᑯᓪᓗ ᓄᓇᒥᒃ, ᐱᑦᓴᔭᓂᒃ, ᐱᐅᒃᑯᑎᓂᒃ ᐱᒍᑦᔨᓂᐅᔪᓂᓪᓗ ᑕᑯᓐᓇᕋᓱᐊᕐᓗᒍ ᐊᑦᑕᓇᖕᖏᑐᑦᓯᐊᖑᒋᐊᖃᕐᓂᖓ ᑎᒥᒃᑯᑦ, ᑮᓇᐅᔭᑎᒍᑦ ᐃᓅᓯᒃᑯᓗ, ᖃᓄᐃᖕᖏᓯᐊᕐᓂᖓᒍᓪᓗ ᐃᓪᓗᔪᐊᒥᐅᑦ ᐃᓪᓗᔪᐊᖃᖕᖏᑐᒥᐅᓪᓗ ᓄᓇᓖᑦ (CIP, 2000). ᑕᒪᑦᓱᒪ ᐱᓇᓱᐊᕐᑕᐅᒍᓯᖓᓂ, “ᓄᓇᐅᑉ ᐊᑐᕐᑕᐅᓂᖓᓂᒃ ᐸᕐᓇᓂᖅ” ᐊᑕᐅᓯᑐᐃᓐᓇᐅᕗᖅ ᓴᓇᕐᕈᑎᐅᑦᓱᓂ ᐊᑐᕐᑕᐅᕙᑦᑐᖅ ᐊᒥᓱᓄᑦ ᐸᕐᓀᑎᐅᔪᓄᑦ ᑲᓱᕐᑎᓯᑦᓯᐊᕋᓱᐊᕈᑕᐅᑦᓱᓂ ᓇᓪᓕᖁᐊᒌᑦᑎᓯᒐᓱᐊᕈᑕᐅᑦᓱᓂᓗ ᐊᒥᓱᐃᓂᒃ ᐊᕙᑎᕐᒥ, ᑮᓇᐅᔭᑎᒍᕐᑐᓂ, ᐃᓗᕐᖁᓯᕐᒥᓗ ᐊᓐᓂᓇᕐᑐᖁᑕᐅᔪᓂᒃ ᖃᓄᖅ ᓄᓀᑦ ᐱᑦᓴᑕᖏᓪᓗ ᓴᐳᑎᓯᒪᔭᐅᑦᓯᐊᕈᓐᓇᒪᖔᑕ ᐊᒻᒪᓗ/ᐅᕝᕙᓗᓐᓃᑦ ᐱᕙᓪᓕᐊᑎᑕᐅᒍᓐᓇᒪᖔᑕ. ᓄᓇᐅᑉ ᐊᑐᕐᑕᐅᓂᖓᓂᒃ ᐸᕐᓇᓂᐅᔪᖅ ᐃᓚᖃᕐᑐᖅ ᓄᓇᐅᑉ ᐊᑐᕐᑕᐅᓂᖓᑕ ᐸᕐᓇᑕᐅᓪᓚᕆᓐᓂᖓᓂᒃ ᐊᒻᒪᓗ ᐸᕐᓇᕈᓯᐅᔪᒥᒃ ᐃᓂᓪᓚᑕᐅᓲᒥᒃ ᓴᕐᕿᑎᑦᓯᒍᑎᐅᓚᖓᑦᓱᓂ ᐸᕐᓇᕈᑎᒥᒃ.


ᓄᓇᐅᑉ ᐊᑐᕐᑕᐅᓂᖓᓄᑦ

“ᓄᓇᐅᑉ ᐊᑐᕐᑕᐅᓂᖓᓄᑦ” ᐸᕐᓇᓯᒪᐅᑏᑦ ᐃᓚᖓᓂ ᑌᔭᐅᒍᑎᖃᓲᖑᒻᒥᔪᑦ “ᓄᓇᐅᑉ ᑲᒪᒋᔭᐅᓂᖓᓂᒃ” ᐸᕐᓇᓯᒪᐅᑏᑦ, “ᓱᓇᒥᑦᓯᐊᑐᒃᑯᑦ ᐱᑦᓴᔭᓂᒃ ᑲᒪᒋᔭᖃᕐᓂᒧᑦ” ᐸᕐᓇᓯᒪᐅᑏᑦ, ᐅᕝᕙᓗᓐᓃᑦ “ᐊᑕᐅᓯᐅᓕᖓᔪᒃᑯᑦ ᑲᒪᒋᔭᖃᕐᓂᒧᑦ” ᐸᕐᓇᓯᒪᐅᑏᑦ. ᑖᒃᑯᐊ ᑭᖑᓪᓖᒃ ᒪᕐᕉᒃ ᓄᐃᑕᐅᓲᒃ ᐱᓇᓱᐊᕐᓂᑯᑦ ᐸᕐᓀᕈᑎᓕᐅᕐᒥᒃ ᑐᖕᖓᕕᖃᕐᑐᒥᒃ ᐃᓗᓐᓀᓂᒃ ᐆᒪᔪᓕᒫᓂᒃ ᑐᕃᓐᓇᑐᒥᓪᓗ ᐱᑐᑦᓯᒪᓂᖓᓄᑦ ᐊᕙᑎᑦᑎᓄᑦ. ᐊᒥᓱᑦ ᑲᓇᑕᒥ ᓄᓇᓕᑐᖃᑦᓴᔦᑦ ᐅᑉᐱᕆᔭᖃᕐᖁᑦ ᑖᒃᑯᐊ ᒪᕐᕉᒃ ᐱᓇᓱᐊᖁᓰᒃ ᓄᐃᑕᑎᑦᓯᓯᐊᕈᑕᐅᓂᕐᐸᐅᒋᐊᒌᒃ ᐱᐅᓯᑐᖃᕐᑎᒍᑦ ᓄᓇᒥᒃ ᐱᑦᓴᔭᖏᓐᓂᓗ ᑲᒪᒋᔭᖃᕈᓯᐅᔪᓄᑦ ᐊᑑᕐᑕᐅᓯᒪᔪᓄᑦ ᑌᒪᖕᖓᓂᐊᕐᔪᖅ.

ᖃᓄᐃᑦᑑᒐᓗᐊᕐᐸᑦ ᑌᔭᐅᒍᓯᖓ, ᐃᓗᓐᓇᑎᒃ ᐸᕐᓀᕈᑎᐅᔪᑦ ᓇᓗᓀᒃᑯᑕᖃᓲᖑᕗᑦ ᐃᑉᐱᒋᔭᖃᑦᓯᐊᕋᓱᐊᕐᓂᒥᒃ ᐊᓯᕐᕿᑌᓕᓂᕐᒥᒃ, ᐃᓗᕐᖁᓯᕐᒥᒃ ᑮᓇᐅᔭᑎᒍᓪᓗ ᑭᖕᖑᒪᓇᕐᑐᓂᒃ ᐊᓐᓂᓇᕐᑐᖁᑕᐅᔪᓂᒃ, ᓇᓛᒍᑦᓯᐊᑐᓂᒃ ᑲᒪᒋᔭᖃᕈᑎᑦᓴᐅᔪᓂᒃ ᖃᓄᐃᓕᒋᐊᕈᑎᕐᑕᖃᕐᓱᑎᒃ ᓄᓇᓄᑦ ᐊᑦᔨᒌᐸᓱᓐᓂ ᓇᓗᓀᕐᑕᐅᒪᒍᓯᖃᕐᑐᓄᑦ. ᑕᒪᒃᑯᐊ ᓄᓀᑦ ᐊᑎᖃᕐᑎᑕᐅᓲᖑᒻᒥᔪᑦ “ᑲᒪᒋᔭᐅᔭᕆᐊᓖᑦ ᓇᓗᓀᕐᑕᐅᒪᔪᑦ”. ᐸᕐᓀᕈᑏᑦ ᐊᑦᔨᒌᖕᖏᑐᓂᒃ ᑌᓯᒍᑎᓯᖃᕈᓐᓇᑐᑦ ᓄᓀ ᓇᓗᓀᕐᑕᐅᓯᒪᕕᖏᓐᓂᒃ, ᑭᓯᐊᓂ ᓄᓀᑦ ᓇᓗᓀᕐᑕᐅᒪᓲ ᑲᓇᑕᒥ ᓄᓇᐅᑉ ᐸᕐᓇᑕᐅᓂᖓᓄᑦ ᐸᕐᓇᓯᒪᐅᑎᐅᓲᓂ ᐅᑯᓂᖓ ᐃᓗᓕᖃᓲᑦ: ᐱᓪᓗᑯᒋᐊᓕᕐᑎᒍᑦ ᑲᒪᒋᔭᐅᔭᕆᐊᓖᑦ ᓇᓗᓀᕐᑕᐅᒪᔪᑦ; ᐃᓗᓐᓈᒍᑦ ᐊᑐᕐᑕᐅᒍᓐᓇᑐᑦ ᓇᓗᓀᕐᑕᐅᒪᔪᑦ; ᓱᒃᑯᑕᐅᑦᑌᓕᒋᐊᓖᑦ ᓇᓗᓀᕐᑕᐅᒪᔪᑦ, ᐊᒥᓱᐃᓕᕿᖓᔪᑎᒍᑦ ᐊᑐᕐᑕᐅᒍᓐᓇᑐᑦ ᓇᓗᓀᕐᑕᐅᒪᔪᑦ. ᓄᓇᓕᑐᖃᑦᓴᔦᑦ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓕᐅᒋᐊᖃᓕᕐᒪᑕ ᓇᓗᓇᕐᓯᒍᑕᐅᕙᑦᑐᖅ ᐊᒥᓱᓂ, ᖃᓄᖅ ᐊᕕᑐᐃᒍᓐᓇᓂᐊᕐᓂᖅ ᓄᓇᓂᒃ ᓇᓗᓀᕐᑕᐅᒪᒍᑎᓕᐅᕐᓗᒋᑦ ᓄᓇᐅᑉ ᑲᒪᒋᔭᐅᒋᐊᖃᕐᓂᖓᒍᑦ, ᓱᓇᓕᒫᑦᓯᐊᑦ ᐱᑐᑦᓯᒪᐅᑎᓂᖓᑦ ᐃᓕᑕᕆᒋᐊᖃᕐᑐᒍᓗ ᓄᓇᐅᑉ ᐱᐅᓯᖓᒍᑦ.

ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓕᐅᕐᓂᖅ ᐊᑐᕐᑕᐅᓲᖅ ᓴᕐᕿᑎᑦᓯᒍᑕᐅᑦᓱᓂ ᐸᕐᓇᕈᑎᒥᒃ ᐊᐅᓚᑕᐅᒍᓯᖃᕆᕗᖅ ᑐᑭᓯᒪᔭᐅᑦᓯᐊᕇᕐᑐᓂᒃ ᐊᖏᕐᑕᐅᓯᒪᔪᓂᒃ ᑐᖕᖓᕕᓐᓂᒃ ᐊᑑᑎᔭᐅᓲᓂᓪᓗ. ᑐᖕᖓᕕᖃᕐᑐᖅ ᐃᓗᐃᑦᑑᑎᑦᓯᓯᐊᕋᓱᐊᕈᑎᓂᒃ ᐱᓇᓱᐊᖃᑎᖃᕐᓂᑯᑦ ᓄᓇᓕᒻᒥᐅᓂᒃ, ᖃᓄᕐᑑᖃᑎᐅᔭᕆᐊᓕᓐᓂᒃ, ᑲᕙᒪᒍᓯᐅᔪᓂᓪᓗ ᐱᓇᓱᐊᕐᕕᓂᒃ, ᑖᒃᑯᐊ ᑕᒪᕐᒥᒃ ᑲᑎᐅᑎᓂᒃᑯᑦ ᓄᐃᑎᕆᖃᑎᒌᒍᓐᓇᑎᑦᓱᒋᑦ ᐊᓐᓂᓇᕐᑐᖁᑎᒥᓂᒃ ᑕᑯᓐᓇᑕᕆᔭᒥᓂᓪᓗ ᖃᓄᐃᓕᖓᔪᒥᒃ ᓄᓇ (ᐃᒪᕐᓗ) ᐊᑐᕐᑕᐅᒍᓯᖃᕐᓂᐊᒪᖔᑦ. ᐊᓯᖏᑦ ᑐᑭᒧᐊᑦᑎᓯᒍᑎᐅᓲᖑᒻᒥᔪᑦ ᑐᖕᖓᕖᑦ ᐸᕐᓇᕈᓯᖃᑦᓯᐊᓂᕐᒨᖓᔪᑦ ᐃᓗᓕᖃᕐᐳᑦ ᓴᕐᕿᔮᑦᓯᐊᓂᕐᒥᒃ, ᐃᓚᐅᑎᑦᓯᓯᐊᕐᓂᒥᒃ, ᓱᓇᒥᑦᓯᐊᑐᒃᑯᑦ ᓇᓗᓀᔦᒍᓯᖃᕐᓂᒥᒃ ᓱᓇᑐᐃᓐᓇᓕᒫᓂᒃ, ᐃᓂᓪᓚᖓᑦᓯᐊᑐᒥᓪᓗ ᓄᐊᑦᓯᒍᓯᖃᕐᓂᑯᑦ ᕿᒥᕐᕈᕈᓯᖃᕐᓂᑯᓪᓗ ᑐᑭᓯᒍᑎᑦᓴᐅᔪᓂᒃ ᖃᐅᔨᒪᔭᐅᒋᐊᖃᕈᑎᖏᓐᓂᒃ ᓄᓇᖁᑎᒋᔭᐅᔫᑉ. ᑕᒪᒃᑯᐊ ᑐᑭᓯᒍᑎᑦᓴᐅᓱᑎᒃ ᖃᐅᔨᒪᔭᐅᒋᐊᖃᕈᑎᐅᔪᑦ ᓄᓇᒨᓕᖓᓪᓗᑯᐊᐱᒐᓗᐊᕐᐸᑕ, ᓄᓇᖕᖑᐊᓕᐅᕐᓂᖅ ᓄᓇᐅᓪᓗ ᑐᑭᓯᒪᔭᐅᒍᑎᖏᓐᓂᒃ ᐊᑐᕐᓂᖅ, ᓴᓇᕐᕈᑎᓪᓚᕆᖕᖑᓯᒪᓕᕐᖁᑦ ᑲᒪᑦᓯᐊᕈᑎᐅᒍᓐᓇᓱᑎᒃ ᕿᒥᕐᕈᕈᑎᐅᒍᓐᓇᓱᑎᓪᓗ ᖃᐅᔨᒪᔭᐅᒋᐊᓕᓐᓂᒃ ᓄᓇᐅᑉ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓕᐅᕐᓂᒥ.